ပန်ဆယ်ဗေးနီးယားသွား တောလား - ၂

မနက် ၇ နာရီခွဲ မောနင်းဖုန်းကောခေါ်ပြီး နှိုးတာနဲ့  အိပ်ယာထ ရေမိုးချိုး၊ အထုပ်ပြင်၊ ပါလာတဲ့ ဘီစကွတ်တွေနဲ့  မနက်စာစားကြတယ်။ ဟိုတယ်က မနက်စာကို အခမဲ့ကျွှေးတာ မဟုတ်ပါဘူး သွားစားရင် ငါးကျပ်ပေးရမယ်။ ကောင်တာမှာ အခန်းသော့အပ်ပြီး တိုးဂိုက်အက်ဒီဆင်ပြောတဲ့ လမ်းလျှောက်ဝါသနာပါသူတွေ မြစ်ဘေးနားက လမ်းကလေးမှာ လမ်းလျှောက်ဖို့ သိပ်ကောင်းတယ်လို့ ညွှန်းတဲ့ မြစ်ကမ်းဘေးကို လမ်းလျှောက်ဖို့  ကြည့်လိုက်တော့ လား...လား ဟိုင်းဝေးလမ်းမကြီး၊ ရထားလမ်းတွေကို ကျော်ပြီးမှ မြစ်ကမ်းဘေးကို ရောက်မှာပါလား။ မြူတွေ ခြုံသိုင်းနေတဲ့ မြစ်ကမ်းဘေးက လမ်းကလေးက လမ်းလျှောက်ဖို့  အင်မတန် ကောင်းပါလိမ့်မယ်။ ဒါပေမဲ့ အဲဒီမြစ်ကမ်းဘေးဆီ ဘယ်လိုသွားရပါ့မလဲ။ ဟိုင်းဝေးလမ်းမကို ဟိုရှေ့ က မီးပွိုင့်ကနေ ဖြတ်လို့ တော့ရပါရဲ့  ဒါပေမဲ့ ရထားလမ်းကို ဖြတ်ရမှာ ကြောက်စရာကြီး။ လာ ဟိုးနားက Kmart ကို သွားလျှော့ပင်းရအောင်။ တိုးဂိုက်အက်ဒီဆင်ရဲ့ ဖုန်းက အိုင်ဖုန်း၆ပလပ်နဲ့  လားလားမှ မတူတဲ့ဖုန်း။ ဖုန်းက အိုင်ပတ်မီနီနီးပါးလောက် ရှိတယ်။ သူ့ ဖုန်းက အသစ်မို့ လို့  အထွက်ကောမရဘဲ အဝင်ကောပဲ လက်ခံတယ်တဲ့။ ဘာဖုန်းလဲလို့  စပ်စုကြည့်တော့ နိုကီရာက အသစ်ထွက်တဲ့ ဖုန်းပါတဲ့။

ဝိုင်းက အဲဒီဖုန်းကို ကြိုက်လို့ တဲ့။ ကျွန်မကတော့ ပစ်ပေါက်ရင် သေလောက်တဲ့ ဖုန်းဆိုပြီး မကြိုက်ဘူး။ ခါတိုင်းခရီးစဉ်တွေမှာ တိုးဂိုက်က တစ်ယောက်တည်း ဒီခရီးစဉ်မှာ တိုးဂိုက်က နှစ်ယောက်တောင်။ ဘယ်သူက ဘယ်သူ့ ကို ထရိန်းတာလဲ မသိဘူး။ ငါ ထင်တာတော့ ရေဗင်က အက်ဒီဆင်ကို ထရိန်းနေတာ ထင်တယ်။ ဟုတ်ပါ့မလား ရေဗင်က ငယ်ပုံပေါက်တယ်နော် ရေဗင်က အက်ဒီဆင်ကို ထရိန်းနေတယ်လို့  ထင်တယ်။ ငါတော့ မထင်ပါဘူး ရေဗင်က ပုလို့  နုနေတာ ရေဗင်ကပဲ ညွှန်ကြားနေတာ တွေ့ ပါလား။ တိုးဂိုက်အက်ဒီဆင်ကို ဘာလို့ တိုးဂိုက်နှစ်ယောက် ဖြစ်နေတာလဲ မေးမြန်းကြည့်တော့ သူ့ ဖုန်းက ပြသနာဖြစ်နေလို့  တိုးဂိုက်တစ်ယောက် ထည့်ပေးပါလို့  ကုမ္ဗဏီကို တောင်းတာတဲ့။ ဒီတိုးကုမ္ဗဏီမှာလုပ်တာ ၆ လလောက်ရှိပြီ။ နိုင်အာဂရာနဲ့  ဘော့စတွန်တိုးတွေကို လိုက်ပါသတဲ့။ သူတို့ တိုးကုမ္ဗဏီမှာ အလုပ်သမား စုစုပေါင်း ၄၀၀ လောက် ရှိပါသတဲ့။ မက်ဟန်တန်ကနေ ၂ နာရီအဝေး နယူးဂျာဆီပြည်နယ်ရဲ့  ဂတ်စ်စတေးရှင်မှာ ကျန်းမာရေးအတွက် ၁၅ မိနစ်နားတော့ တိုးဂိုက်ဂျယ်ရီနဲ့  ဆုံသေးတယ်။ တိုးဂိုက်ဂျယ်ရီက ကျွန်မတို့ ကို မှတ်မိနေတယ် လက်ပြနှုတ်ဆက်တယ်။ တိုးဂိုက်ဂျယ်ရီက အက်ကေဒီးယား၊ ဗာမွန်သွားတောလားတွေရဲ့  တိုးဂိုက်ပါ။ ဒုတိယနေ့ မှာ ပထမဆုံး သွားရောက်လည်ပတ်မှာက Penn's cave ပါ။


ကားမောင်းနေတဲ့ လမ်းကြောင်းကနေ ဆန့် ကျင်ဖက်ကို ပြန်မောင်းတော့ ဘာများဖြစ်သလဲပေါ့။ နောက်တော့ တိုးဂိုက်အက်ဒီဆင်က ပန်လှိုဏ်ဂူကို သွားမဲ့လမ်းမှာ ယဉ်ကြောကျပ်နေတာ တစ်နာရီလောက် စောင့်ရမှာမို့  အချိန်မကုန်ချင်လို့  ပန်လှိုဏ်ဂူအစား ဟာရှီချောကလက်စက်ရုံကို သွားကြမယ်တဲ့။ မစ္စတာဟာရှီက နို့ ၊ သကြား၊ ကိုကိုးတို့ နဲ့ အရသာကောင်းမွန်တဲ့ ချောကလက်ကို တီထွင်ခဲ့လို့  ဟာရှီချောကလက်လို့  အမည်တွင်တာပါ။ မစ္စတာဟာရှီကနေ ဟာရှီအထက်တန်းကျောင်း၊ ဆေးရုံတို့ ကုို ဆောက်လုပ်လှုဒါန်းခဲ့လို့  မြို့ ကိုလည်း ဟာရှီမြို့ လို့  အမည်ပေးခဲ့တာပါ။ အတွင်းမှာ လှည့်လည်နေတဲ့ ရထားလေးစီးပြီး ချောကလက် ထုတ်လုပ်ပုံ အဆင့်ဆင့်ကို လေ့လာကြတယ်။ ရထားတွဲကိုစီးပြီး ချောကလက်စက်ရုံထဲကို ဝင်လိုက်တာနဲ့  ဟာရှီမစ် ချောကလက် ဒန်...ဒန်...ဒန် လို့  မြူးကြွတဲ့ သီချင်းသံတွေနဲ့  နွားလေးတွေက အမြီးလှုပ်၊ ခေါင်းလှုပ်ကာ ကြိုဆိုပါတယ်။ ပထမအဆင့်အနေနဲ့  ကမ္ဘာအနှံ့ က ကိုကိုးစေ့တွေ စက်ရုံကို ရောက်လာတော့ အရည်အသွေး ပြည့်မှီတဲ့ ကိုကိုးတွေကို ရွေးချယ်ပါတယ်။ ပြီးတော့ သန့် စင်၊ နို့ ၊ သကြားတွေနဲ့  ပေါင်းစပ်ကာ ချောကလက် ထုတ်လုပ်ပုံ အဆင့်ဆင့်ကို ရထားတွဲမှာ တပ်ဆင်ထားတဲ့ narrator က ရှင်းပြသွားတာ ပျင်းစရာမကောင်းဘဲ စိတ်ဝင်စားစရာ ကောင်းပါတယ်။ Hmmm..smell is so good လို့  ကြားလိုက်ရရင်ပဲ ချောကလက်ဝေဖာမုန့် အနံ့ ရလို့  စားချင်စိတ်တောင်ပေါက်လာတယ်။ ခန်းမထဲကနေ ထွက်တော့ ချောကလက်သေးလေးတွေ ပေးတယ်။ သဘောကျလို့  နှစ်ခေါက်တောင် ပြန်စီးကြတယ်။

ချောကလက်တွေက ဈေးကွက်မှာထက် သက်သာပါတယ်။ ဘလက်ချောကလက် ၃ ထုပ် ဝယ်တယ်။ ကိုယ့်စိတ်ကြိုက် ချောကလက်ကိုလည်း ဖန်တီးနိုင်ပါတယ်။ 3D ရုပ်ရှင် ရှိပေမဲ့ အခမဲ့မဟုတ်တော့ မဝင်တော့ဘူး။ ဟာရှီ Amusement Park ထဲမှာ ရိုလာကိုစတာတွေ့ ပေမဲ့  အချိန်မရှိတော့လို့  မဝင်တော့ပါဘူး။ ထရောလီကားတွေ ပြေးဆွဲပေးနေတာ တွေ့ တယ်။ ဝိုင်းလို ချောက်ကလက် မကြိုက်တဲ့သူကလွဲလို့  ကားပေါ်က ခရီးသည်တွေ အကုန်လုံးနီးပါး ဟာရှီချောကလက် ဝယ်ကြပါတယ် ဈေးသက်သာတာကိုး။ တိုးဂိုက်အက်ဒီဆင်က သူဝယ်လာတဲ့ Kiss ချောကလက်တွေကို တစ်ယောက်နှစ်ခု ဝေပါတယ်။ အမေရိကန်မှာတော့ Kiss ဆိုတာ ချစ်သူတွေတင် မဟုတ်ဘဲ၊ သူငယ်ချင်း၊ မိတ်ဆွေတွေ ဆုံကြရင် ကစ်ပါသတဲ့။ တိုးဂိုက်အက်ဒီဆင်က အင်္ဂလိပ်စကားပြောအသံထွက် မကောင်းပေမဲ့ ကြိုးစားပမ်းစား၊ စိတ်ပါလက်ပါ ရှင်းပြနေတာကို ခံစားမိတော့ အားလုံးက ကွန်ပလိမ်း မတက်သလို ဖော်ရွေသဘောကောင်းတဲ့ တိုးဂိုက်အက်ဒီဆင်ကို ခရီးသည်တွေက ခင်မင်ကြတယ်။ တိုးဂိုက်ရေဗင်ရဲ့  အသံက ဖော်ဖော်ရွေရွေမရှိတဲ့အပြင် ခပ်တည်တည် နေလေ့ရှိတယ်။ ခရီးသည်တွေကို အဝမှာ စောင့်နေတာမျိုး၊ အချိန်စေ့လို့ မှ မရောက်လာရင် လိုက်ရှာတာတွေတော့ လုပ်တယ်။ ခရီးစဉ်ရဲ့  နောက်ဆုံး သွားရောက်လည်ပတ်ရမဲ့ နေရာကတော့ ပန်လှိုဏ်ဂူပါ။ ဟာရှီချောကလက်စက်ရုံကနေ မိုင် ၉၀၊ ၁ နာရီခွဲသာသာ ဝေးပါတယ်။


Harrisburg မြို့ ကို ဖြတ်သွားတော့ စနေနေ့  မနက်ပိုင်း အတန်းပြီးသွားရင် ဘူဖေးအတူတူ သွားစားကြတဲ့၊ ESL သင်တန်း အတူတူတက်ဖက်၊ သူ့ အင်္ဂလိပ်စကားပြောကို ဘယ်သူမှ နားမလည်ပေမဲ့ ရွှတ်နောက်တတ်တဲ့၊ အခန်းတွင်းမှာ ခိုးကြောင်ခိုးဝှက် ချက်ပြုတ်တတ်တဲ့၊ ညဖက် အတန်းထဲမှာ ပရောဂျက်လုပ်ကြရင် စိတ်ဖိစီးမူတွေ သက်သာအောင်လို့  ပီယာနိုတီးလုံးတွေကို ကျွန်မက ဖွင့်နားထောင်ရင် စန်းစန်း အဲဒါ Yiruma ရဲ့  Kiss the rain နဲ့  River flow in you သီချင်းမလား၊ Love me သီချင်းလည်း ကောင်းတယ်လို့  ညွှန်းတတ်တဲ့၊ အလုပ်ရှာတုန်းက ကျွန်မ စီဗွီကို သူ့ မန်နေဂျာဆီ တင်ပေးတဲ့၊ ကန်နွန် 7D ကင်မရာပုံကို ဖေ့ဘွတ်မှာတင်တော့ သူ့ လည်း အဲဒီကင်မရာ ဝယ်ထားတယ်လို့  လာကွန့် မန့် တတ်တဲ့၊ ဓာတ်ပုံလှလှတွေ ရိုက်ပြီး တင်တတ်တဲ့၊ သူ့ အမျိုးသမီးရှိတဲ့ ဆီရေတယ်မြို့ ကို ရောက်နေတဲ့ ကျောင်းနေဖက် ကမ္ဘောဒီးယားလေး ဆန်နမ်ချန် နေခဲ့တဲ့မြို့ ပါလားလို့  အမှတ်ရသွားတယ်။ မြို့ ဘေးနားကနေ ရစ်ခွေစီးဆင်းနေတဲ့ Susquehanna မြစ်၊ တောင်စဉ်တောင်တန်းတွေနဲ့  အင်မတန် သာယာပါတယ် ရှမ်းပြည်ဖက် ရောက်နေသလိုပဲ။ ပင်စင်ယူပြီးရင် အဲဒီလိုမြို့ လေးမှာ နေချင်တာလို့  ကျွန်မက တွေးပေမဲ့ ဝိုင်းကတော့ ဘာမှလုပ်စရာလည်းမရှိ၊ ဘယ်သူမှလည်းမရှိ ပျင်းစရာကြီး။ မြို့ ကြီးတွေမှာ lonely ဖြစ်တယ်လို့  မခံစားရဘူး၊ လူတွေလည်း အများကြီး၊ အသင်းအဖွဲ့ တွေလည်း အများကြီး ဝိုင်းက မြို့ ကြီးတွေရဲ့  မြို့ လယ်ကောင်မှာမှ နေချင်တဲ့ တကယ့် city girl ။


အရင်တုန်းက အဖိုးတန်ကျောက်တို့ ဘာတို့  တူးခဲ့ကြတယ်ထင်ပါ့ အဝင်ဝမှာ ကျောက်ရေဆေးတဲ့ဟာ တွေ့ တယ်။ ဂူဆီကို သွားတဲ့လမ်းက အောက်ကိုနည်းနည်းနိမ့်သွားတယ်။ ဂူဝက လှေကိုမြင်တော့ အံ့သြသွားတယ် ဟင်... လှေစီးရမှာလား ကျွန်မရောက်ဖူးတဲ့ ကရင်ပြည်နယ် ဘားအံဖက်က ဆန္ဒန်ဂူ၊ ပြင်ဦးလွင်က ပိတ်ချင်းမြှောင်၊ ရှမ်းပြည်နယ် ပင်းတယလှိုဏ်ဂူတွေမှာ ရေမရှိဘူး။ ဝိုင်းတို့  ဗီယက်နမ်မှာတော့ လှိုဏ်ဂူတော်တော်များများကို လှေနဲ့ ပဲ သွားရောက်ရပါသတဲ့။ လွန်ခဲ့တဲ့ နှစ်သန်းပေါင်းများစွာက ဖြစ်တည်ခဲ့တဲ့ လှိုဏ်ဂူရဲ့  ကျောက်အမျိုးအစားတွေကို တိုးဂိုက်လေးက ရှင်းပြပါတယ်။ ကျောက်သားနံရံတွေကို လက်နဲ့ မကိုင်တွယ်ဖို့  သတိပေးပါတယ်။ တစ်လက်မလေး ဖြစ်လာဖို့ ကို ၁၀ နှစ်လောက် ကြာပါသတဲ့။ ကျောက်စက်ပန်းစွဲတွေက နိုင်အာဂရာရေတံခွန်၊ အသည်းပုံလေးတွေ ဖြစ်နေတာ အံ့သြစရာ။ ရေအနက်က ၁၇ ပေလောက် နက်ပါတယ်။ ဘယ်တုန်းက ဘယ်သူ တွေ့ ခဲ့တာလို့  တိုးဂိုက်က ရှင်းပြပေမဲ့ မမှတ်မိဘူးရယ်။ လှေမှောက်မှာ စိုးရိမ်မိပေမဲ့ ထိုင်ခုံအောက်မှာ အသက်ကယ်ဘောတွေ ရှိပါတယ်။ ကျောက်ဆောင်တွေကြားက လမ်းလေးက ကျဉ်းလွန်းလို့  ဖြတ်လာမဲ့ လှေတွေကို စောင့်ရပါတယ်။ မီးသွယ်တန်းထားပေမဲ့ လိုအပ်မှ ဖွင့်ကြပါတယ်။ လှေတွေဆုံကြရင် တိုးဂိုက်တွေက How are you doing လို့  အမေရိကန်ထုံးစံအတိုင်း နှုတ်ဆက်ကြရင် It's cool လို့  အမေရိကန်ထုံးစံအတိုင်း ပြန်ဖြေတော့ သြော် အေးရင် အနွေးထည်ဝတ် နွေးနွေးထွေးထွေးနေပါကွလို့  ပြန်နောက်လို့  ကျွန်မတို့ တွေ ရယ်ရသေးတယ်။ အမေရိကန်တွေက တခုခုကို cool ၊ great လို့  ပြောလေ့ရှိတာကိုး cool ဆိုတာ အေးမြတယ်လို့ လည်း အဓိပ္ဗာယ်ရပါတယ်။

ယုံမလားမသိဘူး ဒီလှိုဏ်ဂူထဲမှာ လှေစီးပြီး မင်္ဂလာဆောင်ကြတာ နှစ်ကြိမ်ရှိပါပြီတဲ့။ လှိုဏ်ဂူအပြင်ဖက်ရောက်တော့ တွေ့ လိုက်ရတဲ့ရေကန်လေးက ကြည်လင်ပြီး စိမ်းလဲ့နေလိုက်တာ။ အဝေးမှာ အစာစားနေကြတဲ့ elk ဆိုတဲ့ အကောင်တွေကို တွေ့ တယ်။ ဒီဒေသမှာ ရိုးရာပုံပြင်တစ်ခု ရှိပါတယ် ဟိုးတုန်းက ၁၈ ရာစုတုန်းက ရွှေ့ ပြောင်းအခြေချသူတွေ ပန်ဆယ်ဗေးနီးယားပြည်နယ် ဆန်ဘာရီအနောက်ဖက်ကို မရောက်ခင်တုန်းက လန်ကက်စတာကောင်တီက ပြင်သစ်လူငယ်လေး မလာချီဘွိုင်ယာဟာ တောတွင်းကို စူးစမ်းခဲ့ပါတယ်။ ခင်မင်စရာကောင်းတဲ့ တောတွင်းမှာ နေထိုင်တဲ့ အသားနီတဲ့လူတွေနဲ့  မိတ်ဆွေဖြစ်ခဲ့တယ်။ တစ်ခုသော လှပတဲ့ဧပြီလမှာတော့ မက်မွန်ချောင်းနားမှာ စခန်းချနေတဲ့ မလာချီဟာ ဘယ်လီဖွန်တီချောင်းအနီးမှာ စခန်းချနေတဲ့ အင်ဒီယန်းခေါင်းဆောင် အိုကိုချိုနဲ့  မိတ်ဆွေဖြစ်လာပါတယ်။ အိုကိုချိုမှာ သားခုနစ်ယောက်၊ ချောမောလှပတဲ့ နစ်တာနီလို့  အမည်ရတဲ့ သမီးတစ်ယောက် ရှိပါတယ်။ တစ်နေ့ မှာတော့ မလာချီဟာ စမ်းချောင်းမှာ သမင်အရေခွံ ဆေးကြောနေတဲ့ နစ်တာနီကို မြင်လျှင်မြင်ချင်းပဲ ချစ်သွားပါတော့တယ်။ အင်ဒီယန်းတွေက သူတို့ လက်ထပ်မှာကို ခွင့်မပြုတာကြောင့် အရှေ့ ဖက်ကို ထွက်ပြေးကြပေမဲ့ ညီအစ်ကိုခုနစ်ယောက်က လာဖမ်းဆီးပြီး ခေါင်းဆောင်အိုကိုချိုဆီကို ပြန်ခေါ်ခဲ့တယ်။ မလာချီကို ဂူထဲပိတ်လှောင်ထားပြီး လွတ်မြောက်အောင် ကြိုးပမ်းတဲ့ မအောင်မြင်ခဲ့တဲ့ မလာချီဟာ သူသေတာကို အင်ဒီယန်းတွေ မတွေ့ စေချင်တဲ့အတွက် ဟိုးဂူ အတွင်းဖက်ဆုံးမှာ သေဆုံးခဲ့ပါတယ်။


ညီအစ်ကို ခုနစ်ယောက်က မလာချီအလောင်းကို ဂူအတွင်းက အနက်ဆုံးနေရာမှာ ကျောက်ခဲတွေနဲ့ ဖိပြီး ရေမြှပ်သဂြိုလ်လိုက်ပါတယ်။ နှစ်ပေါင်းများစွာ ကြာပြီးတဲ့နောက်မှာတော့ နွေညတွေဆိုရင် ဂူအတွင်းကနေ နစ်တာနီ...နစ်တာနီလို့  အော်ခေါ်နေသံကို ကြားရတယ်လို့  ဒီပုံပြင်ကုို သိခဲ့တဲ့သူတွေက ပြောဆိုကြပါတယ်။ ခုခေတ်မှာတော့ ပန်ဆယ်ဗေးနီးယားပြည်နယ် အလယ်ပိုင်းဒေသဖက်မှာ ချောမောလှပတဲ့ အင်ဒီယန်းမိန်းမပျို နစ်တာနီကို အစွဲပြုပြီး နစ်တာနီတောင်၊ နစ်တာနီတောင်ကြား၊ ပန်စတိတ်တက္ကသိုလ်ဝင်းထဲက ကမ္ဘာကျော် နစ်တာနီခြင်္သေ့ရုပ်လို့  အမည်ပေးထားပါတယ်။ ယုံ၊ မယုံ ပုံပြင်လို့ သာ မှတ်လိုက်ပါ။ ကျွန်တော်တွေးတာကတော့ အစ်ကိုခုနစ်ယောက်ရှိတဲ့ မိန်းကလေးကို သွားကြိုက်မှာတော့ ဒီလိုိုမျိုး ကြုံတော့မှာပေါ့။ လှေပေါ်မှာ အုပ်တောင့်တဲ့ အိန္ဒိယသားရှစ်ယောက်က ဓာတ်ပုံတွေ အရိုက်ဆုံး။ ဂိုက်က သေသေချာချာ ရှင်းပြပေး၊ ခရီးသည်တွေကို ဂရုတစိုက် ရှိတာမို့  မိနစ် ၄၀ ဘယ်လိုကုန်သွားမှန်းတောင် မသိလိုက်ဘူး။ လက်ဆောင်ပစ္စည်းတွေ ရောင်းတဲ့နေရာမှာ ကျောက်တုံးနဲ့ တူတဲ့ ဆပ်ပြာ၊ အလှဆင်တဲ့ ကျောက်ပြားပန်းချီ၊ ကီးချိန်း၊ ဖန်ခွက်၊ အင်္ကျီ၊ ပန်လှိုဏ်ဂူက ထွက်တဲ့ ကျောက်၊ မြေကြီး၊ ဟိမဝန္တာကဆားကျောက် မီးထွန်းတဲ့ဟာတွေ ရောင်းပါတယ်။ ဟိမဝန္တာဆားကျောက်ထဲမှာ မီးလုံးထည့်ပြီး မီးထွန်းတဲ့ဟာကို ကျွန်မတက်ခဲ့တဲ့ အိုင်အိုဝါပြည်နယ်ကျောင်းက Stationary Store မှာ တွေ့ ခဲ့ဖူးတယ်။ ကျန်းမာရေးကောင်းစေတယ်လို့  ရေးထားတာ ဖတ်ဖူးတယ်။

ပန်လှိုဏ်ဂူ လည်ပြီးတဲ့အချိန်မှာ နေ့ လည် ၂ နာရီ ထိုးနေပြီ။ တိုးဂိုက်အက်ဒီဆင်က သူ Fast Food တွေကို မကြိုက်ဘူး၊ တတ်နိုင်သမျှ ကျန်းမာရေးနဲ့  ညီညွှတ်တာ စားချင်ပေမဲ့ လွယ်ကူတဲ့ မက်ဒေါနယ်ဆိုင်မှာ နေ့ လည်စာ စားရအောင်နော်တဲ့။ ကလေးတစ်ယောက် တိုးဂိုက်ဆီလာပြီး ကွိကွပြောနေလို့  ဘာများကွန်ပလိမ်းသလဲလို့  နားထောင်နေတာ ကလေးက ကားမူးလို့ တဲ့။ တိုးဂိုက်အက်ဒီဆင်က ကျွှပ်ကျွှပ်အိတ်ရှာ၊ တိုးဂိုက်ရေဗင်က ကလေးကို သူ့ နားမှာထိုင်ခိုင်း၊ အန်ရင် ကျောကုန်းကို သပ်ပေး၊ ရေတိုက်။ တရုတ်မတစ်ယောက် တိုးဂိုက်အက်ဒီဆင်ကို ကွိကွလာပြောနေလို့  ဝိုင်းက ဘာပြောတာလဲတဲ့။ ကျွန်မရဲ့  တရုတ်စာက limited ဆိုတော့ နားမလည်ဘူး။ နောက်တော့မှ ဟိုတယ်မှာ တခုခုကျန်ခဲ့လို့  စာတိုက်ကနေ ပို့ ပေးဖို့  လိပ်စာနဲ့  ခရက်ဒစ်ကဒ်နံပါတ်တွေ ပေးနေသံကြားတယ်။ ခရီးသည်တွေ မပျင်းအောင်လို့  ပြတဲ့ရုပ်ရှင်က Now you see me ။ အဲဒီရုပ်ရှင်ကို လွန်ခဲ့တဲ့နှစ်နှစ်ခန့် က ဆူနမ်၊ ရာမားတို့ နဲ့  သွားကြည့်ဖူးတယ်။ ကြည့်လို့ အရမ်းကောင်းတဲ့ ကားလေးပဲ။ ပထမခန်းမှာ အိပ်ယာခန်း၊ သွေးသံရဲရဲတွေပါတော့ ခုနက ဟိုတယ်ကို ဖုန်းဆက်တဲ့ တရုတ်မက ဒီရုပ်ရှင်က ကလေးတွေ ကြည့်လို့ ရရဲ့ လားလို့  လာမေးတယ်။ တိုးဂိုက်နှစ်ယောက်က ရတယ်လို့  သံပြိုင်ဖြေကြတယ်။ တိုးဂိုက်အက်ဒီဆင်က သူ့ ဘော့စ်က ကလေးတွေ ကြည့်လို့ ရတယ်ဆိုပြီး ထည့်ပေးလိုက်တာတဲ့။


နှင်းတွေဖုံးနေတဲ့ တောင်ကြားထဲက ကွေ့ ကွေ့ ကောက်ကောက် ကားလမ်းမှာ မြို့ ရွာတွေကို ဖြတ်သန်းလို့  တရွေ့ ရွေ့  ခရီးနှင်တော့ လွန်ခဲ့တဲ့နှစ်နှစ်တုန်းက ကန်တက်ကီပြည်နယ်ကနေ မေရီလန်းပြည်နယ်ထိ မိုင် ၆၀၀ ခရီးကို တစ်ယောက်တည်း ကားမောင်းလာတုန်းက ဖြတ်သန်းခဲ့တဲ့ အနောက်ဗာဂျီးနီးယားပြည်နယ်ရှုခင်းနဲ့  တူနေလို့   မိုင် ၆၀၀ ကို သတိရမိသွားတယ်။ ကန်တက်ကီပြည်နယ်မှာတော့ မြေပြန့် ဆိုတော့ ကားလမ်းက တဖြောင့်တည်းမို့  ကားမောင်းရတာ ပျင်းစရာကြီး အိပ်ငိုက်တယ်။ အနောက်ဗာဂျီးနီးယားပြည်နယ်ထဲကို ဝင်တာနဲ့  နှင်းတွေဖုံးလွှမ်းနေတဲ့ တောင်စဉ်တောင်တန်းတွေကြားထဲက ကားလမ်းကွေ့ ကောက်ကောက်ကို မောင်းရတာ အိပ်ငိုက်ဖို့ ထား မျက်လုံးကို ပြူးနေတာပဲ။ မနက် ၇ နာရီထဲက မောင်းလိုက်တာ ၂ နာရီမောင်း နာရီဝက်နားနဲ့ နေ့ လည် အနောက်ဗာဂျီးနီးယားပြည်နယ်ထဲကို ဝင်တော့ ကားရော၊ လူရော ပင်ပန်းနေပြီ။ လီဗာတင်ပေမဲ့ ဝူးဝူးလို့ သာ အော်နေပြီး မိုင် ၄၀ ကနေ မတက်၊ မိုင် ၆၀ သတ်မှတ်ထားတာကို မိုင် ၄၀ နဲ့  မောင်းနေတဲ့အပြင် နှင်းကလည်း ကျနေပြန်၊ ၉၁၁ ကို ဖုန်းခေါ်ရအောင် ဖုန်းစစ်ကနယ်မမိ၊ ရေဒီယိုမမိတဲ့နေရာ၊ အကူအညီတောင်းရအောင်လည်း ကားကြောပြတ် အောင်မငှီး ဒီနေရာမှာ ကားထိုးရပ်လို့ ကတော့ ...။ မိသားစု၊ သူငယ်ချင်း မရှိတဲ့နိုင်ငံကိုလာပြီး ပြည်နယ်တွေ ပြောင်းနေတဲ့ ကျွန်မကို သတ္တိခဲ၊ လုံးဝမကြောက်တဲ့သူလို့  ပြောကြပေမဲ့ အဲဒီတုန်းကတော့ တကယ်ကြောက်သွားဖူးတယ်။

I will never ever do it again နောက်နောင် ဘယ်တော့ ဘယ်တော့မှ အဲဒီလို မမောင်းတော့ဘူးလို့  ပြောပေမဲ့ ကားက အဲဒီတုန်းကလို ၁၉၉၈ မိုင်တသိန်းကျော်ရှိနေတဲ့ ကားဖွတ်ချက်ဖွတ်ချက်လေးကို တစ်ယောက်တည်း မောင်းနေရတာ မဟုတ်ဘဲ ကားကနည်းနည်းသစ်ပြီး သူငယ်ချင်းတစ်ယောက်သာပါခဲ့ရင် အမေရိကန် အရှေ့ ကနေ အနောက်အထိ နိုင်ငံဖြတ်ကျော် ကားမောင်းချင်သေးတယ်။ တစ်နာရီကြာပြီးလို့  မြေပြန့်ကို ရောက်တော့မှ မက်ဒေါနယ်ဆိုင်ကို တွေ့ ပါတယ်။ ညနေ ၃ နာရီမှာ နောက်ကျတဲ့ နေ့ လည်စာ စားရတယ်။ ကြည့်ရတာ ဒီမက်ဒေါနယ်ဆိုင်က အနီးဆုံး ဖြစ်မယ်ထင်တယ်နော်။ လမ်းတလျှောက် တောင်တွေ၊ မြို့ သေးသေးလေးတွေကြီးပဲ မက်ဒေါနယ်ဆိုင်တောင်ရှိမယ် မထင်ဘူး။ အဲ လမ်းတလျှောက် ဘက်ကီမြင်းလှည်းတွေ တွေ့ တယ်နော် အန်းမစ်ခ်ျဒေသ ထင်တယ်။ chicken nuggets ၂၀ ခုမှာပြီး တယောက်တဝက် စားကြတယ်။ ဝို်င်းနဲ့  ကျွန်မက fast  food မကြိုက်တာ တူတယ်။ ဘူးခွံကို ဖတ်ကြည့်လိုက်တော့ အောင်မလေး nuggets ၁၀ ခုကို ကယ်လိုရီ ၄၇၀ တောင်ပါလား ဘုရားရေ...။ မင်း အမေရိကန်ဆန်လာပြီ ကယ်လိုရီ တွက်လာပြီ။ တနေ့ တာအတွက် ကယ်လိုရီ ၅၀၀ ပဲ လိုတာ ဒီ နာ့ကပ် ၁၀ ခုက ကယ်လိုရီ ၄၇၀ ဆိုတော့ မလွန်ဘူးလား။ နာရီဝက်ကနေ ၄၅ မိနစ်ထိ အားကစားလုပ်ပါမှ ကယ်လိုရီ ၂၀၀ လောင်တာ။ ကယ်လိုရီ ၄၀၀ လောင်ဖို့  အားကစား ၁ နာရီခွဲလောက် လုပ်ရမှာပါလား။


ကိုယ် ကျောင်းတက်တုန်းကဆို တပတ်မှာ တခါပဲ ဘူဖေးသွားစားနိုင်တယ်။ အဆောင်ထမင်းတွေ စားမကောင်းရင် ဈေးပေါတဲ့ မက်ဒေါနယ် Mac Chicken စားတယ်။ ကျောင်းက ထွက်လာပြီးကတည်းက မက်ဒေါနယ်ဆီ လုံးဝခြေဦးမလှည့်တော့ဘူး။ ဟား..ဟား မက်ဒေါနယ်စားတာ တစ်နှစ်ဆို လုံလောက်ပြီပေါ့ exactly ။ စင်္ကာပူမှာတုန်းက KFC သိပ်ကြိူက်တာ အမေရိကန်ရောက်ပြီးမှ KFC တစ်ခါပဲ စားဖူးတယ်။ အဲဒီတစ်ခါစားပြီးကတည်းက နောက်နောင် ဘယ်တော့မှ မစားတော့ဘူး ငန်လွန်းလို့ ။ ကျေးဇူးတော်နေ့  ပိတ်ရက် ခရီးသွားတဲ့သူတွေ ပြန်လာနေကြပြီမို့  ကားတွေ ကျပ်ပါတယ်။ ကားသမားက Rest Area ထဲ ဝင်သွားတော့ ကျန်းမာရေးချိန်ပေးတာလားလို့  တွေးနေတာ ဘယ်ဟုတ်ပါ့မလဲ Rest Area အထွက်ကနေထွက်ပြီး ကားလမ်းမကြီးဆီ ပြန်တက်ဖို့  လမ်းမကြီးပေါ်ကကားတွေဆီကနေ လမ်းတောင်းနေတာ ကားကျပ်တာကို နည်းနည်းလေး ကျော်လွှားနေတာ။ နယူးဂျာဆီပြည်နယ်ကို ဖြတ်ကျော်လို့  မက်ဟန်တန်အထက်ဖက်က ဂျော့ဝါရှင်တန်တံတားကို ဖြတ်ရင်ပဲ ဒီတံတားကို ကျွန်မတို့  သုံးခေါက်တိတိ ဖြတ်ဖူးတယ်လို့  လက်ခမောင်းခတ်ကြတယ်။ ပိတ်ရက်တွေဆို လမ်းလျှောက်အဖွဲ့ နဲ့  ၅ မိုင် လမ်းလျှောက်နေကြမို့  ၅ မိုင် လျှောက်နိုင်မှန်း သိပေမဲ့ တလောက ဂျော့ဝါရှင်တန်တံတားကို ဖြတ်ကျော်ပြီး နယူးဂျာဆီပြည်နယ်က ပလာဆိုဒ်ပန်းခြံမှာ ၈ မိုင် တောင်သွားတက်ပြီးတော့မှ ၈ မိုင် လမ်းလျှောက်နိုင်မှန်း သိသွားတယ်။ လမ်းလျှောက်အဖွဲ့ ထဲက ချာလီဆိုတဲ့ အန်ကယ်ကြီးဆို မိုင် ၂၀၊ ၃၀ လမ်းလျှောက်၊ တောင်တက်နိုင်ပါသတဲ့။

ဖလပ်ရှင်းစုရပ်မှာ ဆင်းပြီး ဟောင်ကောင်စူပါမားကတ်မှာ ဈေးဝယ်၊ မီနီရှာဘူးရှာဘူးမှာ ဟော့ပေ့ါစားကြတယ်။ ကျွန်မ မွေးနေ့ က တနင်္လာနေ့ မှာ ကျရောက်ပေမဲ့ ခုမှပဲ မွေးနေ့ ညစာ စားကြတာပါ။ ဝိုင်းတို့ ဗီယက်နမ်မှာက မွေးနေ့ ၊ Farewell ၊ Congratulations ပါတီတွေဆို မွေးနေ့ ရှင်ကို သူငယ်ချင်းတွေက ကျွှေးတာတဲ့။ အမေရိကန်နဲ့  သွားတူနေတယ်။ အဲဒါ ကောင်းတာဟ မွေးနေ့ မှာ မွေးနေ့ ရှင်ကို စပါယ်ရှယ်ဖြစ်အောင်လုပ်တာ။ ငါတို့ မြန်မာပြည်မှာတော့ ပြောင်းပြန် မွေးနေ့ ရှင်က သူငယ်ချင်းတွေကို စပါယ်ရှယ်ဖြစ်အောင် လုပ်တယ်။ မှာထားတဲ့ ဟင်းတွေကို သွားယူ အိမ်ပြန်ရောက်တော့ ည ၁၀ နာရီခွဲနေပြီ။ ခရီးသွားရင် ပင်ပန်းပေမဲ့ နယ်မြေအသစ်တွေဆီကို လည်ပတ်ရလို့  စိတ်လန်းဆန်းမှုကတော့ ဘယ်ဟာနဲ့ မှ မတူဘူး။ ရထား ၄ ဆင့်ပြောင်း တနာရီခွဲစီး ၊ တနေ့ ကို ၃ နာရီ ရထားစီးပြီး ရုံးတက်အလုပ်လုပ်ရတာကို ဒီလိုလေးတွေနဲ့  အားဖြည့်ရတာပေါ့နော်။ လူတွေဟာ တစ်ယောက်တမျိုး ရူးကြတယ်။ တချို့ က ဖက်ရှင်၊ အစားအသောက်၊ ပါတီ၊ အိတ်၊ ငါးမွေးတာ၊ ကျွန်မတို့ လို traveling crazy  တမျိုးမျိုးစီ ရူးနေကြတာပဲ။ တပတ်ကိုငါးရက် အားကစားရုံသွားပြီး အားကစားလုပ်တဲ့ ဝိုင်းက muscle ရူး ရူးတယ် beautiful muscle လို့  ပြောတတ်တယ်။ အားကစားလုပ်သူမို့  မလုပ်တဲ့သူကို ငပျင်းလို့  မြင်တယ်။ ဝိုင်းက လက်ကိုင်အိတ်တွေ ခရေစီ။ ယိုးဒယား၊ ပြင်သစ်မှာ ကျောင်းပြီးလို့  အီတလီက ယူအန်မှာ အလုပ်ရတော့ သူ့ လစာက အီတလီတွေထက် ကောင်းတယ်။


၆ လ နေလို့ မှ လက်ကိုင်အိတ် မလဲရင် ဘယ်နှယ့်ပါလိမ့်လို့  မျက်ခုံးပင့်ကြတယ်တဲ့။ အလုပ်မှာ ညနေဒင်နာရှိရင် အိမ်ပြန်ရေမိုးချိုး၊ မိတ်ကပ်ပြင်၊ ဒင်နာဝတ်စုံ လှလှလေးဝတ်ကြတာတဲ့။ အိတ်၊ ဖိနပ်၊ လည်ဆွဲ၊ လက်ကောက်၊ လက်စွပ်၊ နားကပ် အရောင်ကိုက်နေမှတဲ့။ အီတလီသားတွေက ဖက်ရှင်ကျသလောက် ရုံးဝတ်စုံနဲ့  အားကစားဖိနပ်စီးတဲ့ အမေရိကန်တွေကတော့ ဖက်ရှင်ကျဖို့ ထက် သက်တောင့်သက်သာရှိဖို့  အလေးထားတယ်။ အမေရိကန်ရောက်တော့မှ လက်ကိုင်အိတ်ခရေဇီရောဂါ ပျောက်ပါသတဲ့။ ဝိုင်းပြောပြတဲ့ ပရာဒါ၊ အယ်လ်ဗွီ၊ ဟတ်မဲ့၊ အီတလီ၊ ပြင်သစ်တံဆိပ် လက်ကိုင်အိတ်တွေကို မြင်ရကြားရပေမဲ့ လိုချင်စိတ် မဖြစ်ဘူးရယ်။ ဒေါ်လာ ၄၊ ၅ ၊ ၆ ထောင်တန်တဲ့ ဟတ်မဲ့တံဆိပ်လက်ကိုင်အိတ်ထက် ကင်နွန် ကင်မရာ lens တွေက ကျွန်မအတွက် ပိုပြီးဆွဲဆောင်မှုကောင်း attractive ဖြစ်နေတယ်။ အမေရိကန်က ဂရမ်းတက်တန် Grand Teton ယိုစမဲတီး Yosemite  ရဲလုံးစတုန်း Yellostone အမျိုးသားဥယျာဉ်၊ ကယ်လီဖိုးနီးယား၊ အရီဇိုးနား၊ နယူးမက်ဆီကို၊ မီယာမီ၊ ဟာဝိုင်အီ၊ ဘာမြူဒါ၊ အလာစကာ၊  ဥရောပက ပြင်သစ်၊ အီတလီ၊ ဂရိ၊ လက်တင်အမေရိကနိုင်ငံတွေဖြစ်တဲ့ ပီရူး၊ ဂွာတီမာလာ၊ ဘရာဇီး၊ ကာရစ်ဘီယန်ထဲက ပွာတိုရီကို၊ ဂျမေကာတို့ ကို သွားလည်ကြတဲ့ ဓာတ်ပုံတွေမြင်ရင် သိပ်အားကျတာပဲ။ လက်ကိုင်အိတ်ကိုင်မလား၊ ခရီးသွားမလားမေးရင် ခရီးသွားမယ်။ ကျွန်မအတွက်တော့ လက်ကိုင်အိတ်တစ်လုံးထက် Traveling can make memories. ဖြစ်နေလို့ ပါပဲ။

ဝိုင်း နင် ဒီလောက်ခရီးတွေ သွားရတာ ကင်မရာကောင်းကောင်း တစ်လုံးဝယ်ပါလား။ ဒေါ်လာ ၆၀၀၊ ၈၀၀ လောက်နဲ့  ကင်မရာကောင်းကောင်း ရပါတယ်။ ကင်မရာကောင်းကောင်း ရှိပါမှ ခရီးတွေကို မှတ်တမ်းတင်နိုင်တာ နောက်ကြာရင် ဓာတ်ပုံတွေကပဲ ခရီးသွားအမှတ်တရအဖြစ် ကျန်တော့တာ။ ငါနဲ့ ခရီးသွားရင် ငါ့ဆီက ဓာတ်ပုံတွေ ရနိုင်ပေမဲ့ နင့် အလုပ်ကိစ္စနဲ့  ဥရောပ၊ အာဖရိကကို ခရီးသွားရင် နင့်ဘာသာ ရိုက်ဖို့ လိုတာပေါ့။ တန်ဇနီးယားကို သွားတုန်းကဆို သစ်ကုလားအုတ်၊ မြင်းကျား၊ ကြံ့၊ ဆင်၊ ရေမြင်းတွေ နင့်ကားဘေးနားမှာ ဖြတ်သွားတယ်သာဆိုတာ ဓာတ်ပုံလည်း ဓာတ်ပုံမှ မရှိဘူး။ အဲဒါ ကင်မရာကောင်းကောင်းမရှိလို့  မရိုက်နိုင်တာ။ ခရီးတွေ သွားပေမဲ့ ဓာတ်ပုံနဲ့ မှ မှတ်တမ်းမတင်နိုင်ရင် ခရီးသွားတာ အလကားပဲ။ Black Friday Sales တွေ ရှိပေမဲ့ ဝိုင်းက ကင်မရာထက် အိတ်တွေကို ခရေဇီဖြစ်တယ်။ ပိုက်ဆံမတတ်နိုင်တာလည်းမဟုတ် အိတ်အတွက်တော့ ပိုက်ဆံအကုန်ခံချင်ပြီး ကင်မရာအတွက် ပိုက်ဆံအကုန်မခံချင်တာ။ တစ်ယောက်ကို ခံယူချက် တစ်မျိုးစီပေါ့လေ။ နယူးယောက်ရုံးမှာ တစ်နှစ်ကွန်းထရပ် ပြည့်သွားတဲ့ဝိုင်းက အီတလီပြန်ရမလား၊ နယူးယောက်မှာ ဆက်နေရမလားလို့  ရွေးချယ်ရတဲ့အခါ နယူးယောက်ရုံးမှာ ဆက်နေဖို့  ဆုံးဖြတ်လိုက်ပါတယ်။ ဂရိနိုင်ငံဘေးနားက အယ်ဘေးနီးယား၊ ပြင်သစ်စကားပြောတဲ့ အာဖရိကက အလွန်သေးငယ်တဲ့ ကျွန်းငယ်လေးတွေမှာ တလသွားပြီး တာဝန်ထမ်းဆောင်ရမှာကလွဲရင် နယူးယောက်ရုံး ထိုင်မှာပါတဲ့။ ကျွန်မအတွက်တော့ သတင်းကောင်းပါပဲ။ ခရစ်စမတ်ပိတ်ရက်မှာ ကွန်နက်တီကပ်ပြည်နယ်ဖက်ကို ခရီးထွက်ဖို့  ရှိပါတယ်။ ပြန်လာရင် ကွန်နက်တီကပ်သွား တောလား ရေးတင်ပါဦးမယ်။

Happy Traveling ! Happy Holidays !

စန်းထွန်း
ဒီဇင်ဘာ ၁၉ ၊ ၂၀၁၄။