၂၀၂၄ နိုဝင်ဘာ ၁၂ ခက်မန်ထူကနေ တနာရီဝေးတဲ့ Nagarkot တောင်ပေါ်မြို့လေးဆီ သွားလည်တယ်။ လမ်းမှာ ဆိုဖီယာ့အိမ်ဝင်ပြီး မချောတို့ကို ဝင်ခေါ်တယ်။ ဝယ်ခိုင်းလိုက်တဲ့ပစ္စည်းတွေကို မချောနဲ့ဆိုဖီယာကိုပေးတယ်။ ဆင်းကဒ်ရတယ် ဆင်းကဒ်ဖိုးမယူဘဲ 25G အတွက် ရူပီး ၈၀၀ ပေးရတယ်။ ဆိုဖီယာက တောင်ကြီးသူနီပေါအစပ် နီပေါမှာ အိမ်ထောင်ကျနေတာ။ ခုခရီးစဥ်ကိုလည်း သူခရီးသွားကုမ္ပဏီ Aunti Travels ကစီစဥ်ပေးတာ။ ပလာတာနဲ့ ခရမ်းချဥ်သီးငါးပိချက်၊ ငရုတ်သီးပွ၊ ဒိန်ချဥ် အင်မတန်စားကောင်းတယ်။ Nagarkot သွားတဲ့လမ်းက တောင်ကြီးသွားတဲ့လမ်းလိုမျိုးပဲ အကွေ့အကောက်တွေများ။ လမ်းတွေက အင်မတန်ကျဥ်းတယ် ကားတစီးနဲ့တစီး တပေလောက်တောင် မကွာဘူး။ ပွတ်သပ်ကပ်မောင်းကြတာ အင်မတန်အသည်းယားစရာကောင်းတယ်။ ဝန်ထမ်းတွေက သဘောကောင်းတယ်၊ ဖော်ရွှေကြတယ်။ ရိုးသားတယ်၊ စိတ်နှလုံးသားကောင်းတာကို မျက်နှာမှာ မြင်ရတယ်။ သြဇီကမစံက cheese ကို တကူးတကသယ်လာပြီး အသေအချာပြင်ကျွှေးတယ်။ သြဇီ cheese အင်မတန်စားကောင်းတာပဲ cheese မကြိုက်တဲ့ကိုယ်တောင် ကြိုက်သွားတယ်။ အဲ့ဒီညမှာ အခန်းဖော်က သြဇီကမမွန်။ သူကလည်း သြဇီက fundraiser ဆိုတော့ စကားတွေအများကြီး ပြောဖြစ်တယ်။ မချောက reiki နည်းနဲ့ လုပ်ပေးတာ အင်မတန်သက်သာသွားတယ်။ မနက်စောစော နေထွက်ချိန် ဟိုတယ်ခေါင်မိုးပေါ်တက်ပြီး ရေခဲတွေဖုံးနေတဲ့ ဟိမဝန္တာတောင်အလှကို ကြည့်တယ်။ တောင်ပေါ်ဟိုတယ်လေးကနေ မြင်ရတဲ့ရှုခင်းက အင်မတန်လှတယ်။ မနက် ၁၀ နာရီလောက်ဆို တိမ်တွေတက်လာပြီး မြင်ကွင်းသိပ်မလှတော့ဘူးတဲ့။ ဓာတ်ပုံတွေရိုက်ကြ ပြီးတော့ တိတ်ဆိတ်ငြိမ်သက်စွာနဲ့ ဟိမဝန္တာတောင်အလှကို ကြည့်နေတော့တာပဲ။ ဟိမဝန္တာတောင်အလှ ကြည့်မဝ ငြိမ်းချမ်းအေးမြခြင်းတွေ ခံစားရတယ်။ ဟိမဝန္တာတောင် လှလိုက်တာ။
Happy Traveling!
စန်းထွန်း
ဇန်နဝါရီ ၁၈၊ ၂၀၂၅။
 |
| Nagarkot, Nepal |
